სამოქალაქო ინტერესების დაცვის პროგრამა  - წარმოადგენდა კოალიციური პროექტს, რომელსაც ახორციელებდა ექვსი ქართული და ერთი ამერიკული საზოგადოებრივი ორგანიზაცია. პროგრამა მხარდაჭერილი იყო ამერიკის საერთაშორისო განვითარების სააგენტოს მიერ და განხორციელდა 2002-2005 წლებში. პროგრამა მიზნად ისახავდა საქართველოში საზოგადოებრივ ორგანიზაციათა განვითარების ხელშეწყობას, რაც მათ საშუალებას მისცემდა უკეთესად დაეცვათ მოქალაქეთა ინტერესები.

სამოქალაქო ინტერესების პროგრამა ერთობლივად ხორციელდებოდა “გადავარჩინოთ ბავშვების”, საქართველოს გაეროს ასოციაციის, პარტნიორები საქართველოს, მშვიდობის, დემოკრატიისა და განვითარების კავკასიური ინსტიტუტის, საქართველოს სტრატეგიული კვლევებისა და განვითარების ცენტრის, სამოქალაქო საზოგადოების ინსტიტუტისა და სამოქალაქო განვითარების ცენტრის “ალტერნატივა”-ს მიერ.

პროგრამის მიზნები:
• ადვოკატირების გაძლიერება და გაუმჯობესება;
• სამოქალაქო საზოგადოებრივი ორგანიზაციების ინსტიტუციური და ფინანსური შესაძლებლობების ზრდა;
• საზოგადოებრივ ორგანიზაციათა საკანონმდებლო ბაზისა და მარეგულირებელი მექანიზმების გაუმჯობესება;
• მოქალაქეთა ჩართულობა სამოქალაქო საზოგადოებრივი ორგანიზაციების აქტივობებში და ცნოებიერების ამაღლება.

პროგრამის განხორციელებაში აქტიურად მონაწილეობდა კოალიციის წევრი ყველა ორგანიზაცია. ორგანიზაციები იზიარებდნენ სამოქალაქო საზოგადოების საჭიროებებს. პროგრამამ დანერგა ახალი უნარ-ჩვევები და ექსპერტიზა, რომელიც ითვალისწინებდა, როგორც საზოგადოებრივი დიალოგების ხელშეწყობას, მედია დაფარვასა და ინფორმაციის გავრცელებას ასევე ანალიტიკურ განვითარებას.
  
სამოქალაქო ინტერესების დაცვის პროგრამა ექვემდებარებოდა ადვოკატირების მმართველ კომიტეტს, რომელშიც შედიოდნენ “გადავარჩინოთ ბავშვები” და 6 ქართული საზოგადოებრივი ორგანიზაცია. მათი თანამშრომლობის შედეგად ჩამოყალიბდა “სამოქალაქო ინიციატივების ცენტრი”, რომელიც იმ არასამთავრობო ორგანიზაციათა მაკოორდინირებელი ქსელია, რომელთა საქმიანობა საქართველოში დემოკრატიული სამოქალაქო საგადოების განვითარებას ემსახურება. 

დაწვრილებითი ინფორმაცია სამოქალაქო ინტერესების დაცვის პროგრამის შესახებ