ლტოლვილები და მიგრაცია

5.ივნ.2009

პოლიციის აკადემიის სტუდენტებს ჩაუტარდათ ტრეინინგები პროგრამის “საქართველოს ლტოლვილთა საბჭოს” ფარგლებში. ტრეინინგების მთავარი მიზანი იყო სამოქალაქო თვითშეგნებისა და ლტოლვილთა დაცვის საკითხებზე მომუშავე ადგილობრივი საჯარო მოხელეების კომპეტენციის ამაღლება.

პოლიციის აკადემიის 150 სტუდენტი დაესწრო 7 ტრეინინგს. ტრეინინგის მონაწილეები გაეცნენ გაეროს ლტოლვილთა უმაღლესი კომისარიატის წესდებას, ჟენევის კონვენციას (1957), ოქმს ლტოლვილთა სტატუსის შესახებ (1967), ლტოლვილთა დაცვის საკითხებთან დაკავშირებულ ეროვნულ და საერთაშორისო კანონმდებლობას. ასევე შეაფასეს თავშესაფრის მაძიებელთა და ლტოლვილთა მდგომარეობა საქართველოში და მიიღეს ინფორმაცია იმ ადგილობრივ და საერთაშორისო ორგანიზაციების შესახებ, რომლებიც ლტოლვილთა და თავშესაფრის მაძიებელთა დაცვის საკითხებზე მუშაობენ.

პოლიციის აკადემიის სტუდენტებმა შეიძინეს თეორიული ცოდნა და პრაქტიკული უნარ-ჩვევები, რაც მათ დაეხმარებათ ლტოლვილთა და თავშესაფრის მაძიებელთა საკითხებზე მუშაობისას.

ტრეინინგები განხორციელდა პროგრამის “საქართველოს ლტოლვილთა საბჭო” ფარგლებში, რომელსაც საქართველოს გაეროს ასოციაცია გაეროს ლტოლვილთა უმაღლესი კომისარიატის მხარდაჭერით ახორციელებს.