დემოკრატია და მმართველობა

17.ივლ.2008

10 ივლისს, სამოქალაქო ინტეგრაციისა და შემწყნარებლობის საბჭო ეწვია მარნეულს, და ადგილობრივი სამოქალაქო საზოგადოებრივი ორგანიზაციების, ჟურნალისტების, საგანმანათლებლო ინსტიტუტებისა და ადგილობრივი ხელისუფლების წარმომადგენელთა მონაწილეობით გამართა სამოქალაქო ინტეგრაციის სტრატეგიული ხედვის პროექტის კიდევ ერთი საზოგადოებრივი განხილვა.

შეხვედრაზე ქ-ნ თამარ კინწურაშვილმა, პრეზიდენტის მრჩეველმა ინტეგრაციის საკითხებში და სამოქალაქო ინტეგრაციისა და შემწყნარებლობის საბჭოს თავმჯდომარემ, ბ-ნ რამაზ აფციაურმა, ეროვნული ინტეგრაციის პროგრამის ხელმძღვანელმა, ქ-ნ ანა ჟვანიამ, საქართველოს განათლებისა და მეცნიერების მინისტრის მოადგილემ, და ბ-ნ კობა ჩოფლიანმა, საქართველოს სახალხო დამცველის ოფისთან არსებულ ეთნიკურ უმცირესობათა საბჭოს თავმჯდომარემ, წარადგინეს “შემწყნარებლობა და სამოქალაქო ინტეგრაცია” – სტრატეგიული ხედვის პროექტი, რომელიც ერთობლივად შეიმუშავა სამოქალაქო ინტეგრაციისა და შემწყნარებლობის საბჭომ და საქართველოს გაეროს ასოციაციამ, ეროვნული ინტეგრაციის პროგრამის ფარგლებში.

“შემწყნარებლობა და სამოქალაქო ინტეგრაცია” – სტრატეგიული ხედვის პროექტი, შეგიძლიათ მიიღოთ გაეროს ასოციაციის ოფისში, ან ჩამოტვირთოთ იგი ვებ-გვერდიდან: შემწყნარებლობა და სამოქალაქო ინტეგრაცია, სტრატეგიული ხედვა

ყველა დაინტერესებულ მხარესა და ზოგადად საზოგადოებას შეუძლია ჩაერთოს სტრატეგიის ჩამოყალიბების პროცესში და საკუთარი წვლილი შეიტანოს მასში.

კომენტარები და შემოთავაზებები შეგიძლიათ მოგვაწოდოთ შემდეგ მისამართებზე:

საქართველოს პრეზიდენტის ადმინისტრაცია, ინტეგრაციის საკითხებში პრეზიდენტის მრჩევლის ოფისი:
ინგოროყვას ქ. 7, თბილისი, საქართველო
ტელეფონი: 995 32/99 50 63
ელ. ფოსტა: tkintsurashvili@president.gov.ge    

და/ან

საქართველოს გაეროს ასოციაცია
დოლიძის ქ. 2, 0171, თბილისი, საქართველო
ტელეფონი: 995 32/33 52 16
ელ. ფოსტა: una@una.ge