დემოკრატია და მმართველობა

3.დეკ.2007

1 დეკემბერს ეროვნული ინტეგრაციის პროგრამამ მოზარდთა და მოყვარულთა საერთაშორისო კინოს ფესტივალზე “მზიანი თბილისი”, ნომინაციაში ყველაზე ტოლერანტული ფილმი, გამარჯვებულად დაასახელა მოკლემეტრაჟიანი ფილმი “პაცანი”. პროგრამის ნომინანტი “პაცანი” გადაღებულია თბილისის მოზარდთა სასახლის საბავშვო კინოსტუდიის პიონერფილმის მიერ. ეროვნული ინტეგრაციის ყოველკვირეული თოქ-შოუს “იტალიური ეზოს” წამყვანმა გიორგი გუგუშვილმა, ფესტივალის დახურვის ცერემონიაზე, პროგრამის სახელით გამარჯვებული ფილმის ავტორები დააჯილდოვა საჩუქრებით და სერთიფიკატებით. “პაცანი” ფესტივალის ჟიურიმ ასევე დაასახელა როგორც საუკეთესო მუსიკალური კლიპი. მოკლემეტრაჟიანი ფილმი და ფესტივალის დახურვის ცერემონია გაშუქდება “იტალიური ეზოს” მიერ შაბათს, 8 დეკემბერს, 18:00 საათზე.