საქართველოს გაეროს ასოციაცია (საგა) არასამთავრობო ორგანიზაცია საქართველოს გაეროს ასოციაცია (საგა), დაარსდა 1995 წლის დეკემბერში. საგა მუშაობს ადამიანის უფლებათა პრინციპებისა და დემოკრატიული მმართველობის მხარდასაჭერად და საზოგადოებას უზრუნველყოფს საერთაშორისო საზოგადოებაში ინტეგრაციისათვის მნიშვნელოვანი მექანიზმებით. საგა 1996 წლიდან გაეროს ასოციაციათა მსოფლიო ფედერაციის წევრია. მისია საქართველოს გაეროს ასოციაციის მიზანია საქართველოსა და სამხრეთ კავკასიაში დემოკრატიისა და სამოქალაქო საზოგადოების განვითარება. საგა აქტიურად უწყობს ხელს თანამშრომლობის განვითარებას სამოქალაქო, სახელმწიფო და ბიზნეს სექტორებს შორის, და ასევე მუშაობს საქართველოში ტოლერანტული სამოქალაქო საზოგადოების ჩამოყალიბებაზე. სტრუქტურა საგას სათაო ოფისში 35 თანამშრომელია. ორგანიზაცია მუშაობს ძირითადად ოთხი მიმართულებით: დემოკრატია და მმართველობა, ახალგაზრდობა და განათლება, ლტოლვილები და მიგრაცია და ინფორმაცია და ანალიზი. თითოეული პროგრამა პროექტს ავტონომიურად ახორციელებს, შესაბამისი გარე კომუნიკაციებისა და მიმდინარე აქტივობების ჩათვლით, ხოლო მენეჯმენტი ახორციელებს ადამიანის რესურსთა გადახედვას, ფინანსურ მენეჯმენტს და ადგენს ანგარიშებს. აღმასრულებელი დირექტორი ოპერაციათა და დაგეგმვის ხელმძღვანელია და პასუხისმგებელია პროგრამის ხელმძღვანელებთან შეთანხმებით ყოველდღიურ მენეჯმენტზე. ფილიალები საგა მოღვაწეობს საქართველოს მასშტაბით და თანამშრომლობს ქვეყნის სხვადასხვა ქალაქებში არსებულ სამოქალაქო საზოგადოებრივ ორგანიზაციებთან. საგას ოფისები გორში, ქუთაისსა და ბათუმში უზრუნველყოფენ გრძელვადიან და მაღალ დონეზე ორგანიზებულ აქტივობებს მათი პროგრამების ბენეფიციართათვის. გაეროს ასოციაციების მსოფლიო ფედერაცია გაეროს ასოციაციების მსოფლიო ფედერაცია შეიქმნა 1946 წელს ეგიდით “მოძრაობა გაერთიანებული ერებისათვის”. ფედერაცია არასამთავრობო სტრუქტურაა და მისი წევრ სახელმწიფოებს გაეროს ასოციაციები წარმოადგენენ. საქართველოს გაეროს ასოციაცია ფედერაციას შეუერთდა 1996 წელს. საგა პირველი გაეროს ასოციაციაა რომელიც საბჭოთა კავშირის დაშლის შემდეგ ფედერაციის წევრი გახდა. საგა თანამშრომლობს პარტნიორ გაეროს ასოციაციებთან, იმისათვის რომ ხელი შეუწყოს რეგიონში გაერთიანებული ერების მუშაობას ყველა დონეზე. საგა ფედერაციის მანდატის ფარგლებში ხელს უწყობს სამხრეთ კავკასიის გაეროს ასოციაციათა თანამშრომლობის გაძლიერებას. დაწვრილებითი ინფორმაციისათვის ეწვიეთ გაეროს ასოციაციათა მსოფლიო ფედერაციის ვებ გვერდს: http://www.wfuna.org/
|
