საქართველოს ზოგადი ადმინისტრაციული  კოდექსის დებულებები დაფუძნებულია საჯარო დაწესებულებების საქმიანობის გამჭვირვალობისა და მათი საზოგადოების წინაშე ანგარიშვალდებულების პრინციპებზე. კოდექსის ყველაზე მნიშვნელოვანი ნაწილია მისი მესამე თავი - ინფორმაციის თავისუფლება, რომელიც მიზნად ისახავს საზოგადოებასა და საჯარო ინსტიტუტებს შორის საბჭოთა კავშირისათვის დამახასიათებელი ბარიერებისა და სტერეოტიპების მოშლას.

2001 წლიდან, გაეროს ასოციაცია მერილენდის უნივერსიტეტის საერთაშორისო კვლევის ცენტრთან  IRIS-თან თანამშრომლობით ახორციელებდა ადმინისტრაციული კოდექსის ინფორმაციის თავისუფლებასთან დაკავშირებული დებულებების დანერგვას საჯარო დაწესებულებებში.

გაეროს ასოციაციამ პროექტის ფარგლებში საქართველოს დაახლოებით 250 საჯარო დაწესებულება, 9 რეგიონი, 18 ქალაქი, და 7 მუნიციპალიტეტი მოიცვა. პროექტი საწყის ეტაპზე მიმართული იყო ადგილობრივ დაწესებულებებსა და თვითმმართველ ერთეულებზე, ხოლო 2004 წლიდან პროგრამა მეტად გადაერთო ხელისუფლების ცენტრალურ ორგანოებზეც.

2005 წელს პროგრამა გაფართოვდა და მან ინფორმაციის თავისუფლების დებულებების გარდა, მოიცვა ზოგადი ადმინისტრაციული კოდექსის სხვა სფეროებიც, როგორიცაა,Aადმინისტრაციული ხელშეკრულება, ადმინისტრაციული წარმოების ფორმები, ადმინისტრაციული აქტის მომზადება,  ადმინისტრაციული აქტის აღსრულება.

აქტივობები

2005 წელს პროგრამის ფარგლებში გაეროს ასოციაციამ:

• გამოიკვლია ხარვეზები, რომლებიც არსებობდა კანონმდებლობაში ინფორმაციის თავისუფლების დებულებების განხორციელების მიმართულებით,  განსაკუთრებული ყურადღება დაეთმო აჭარის ავტონომიურ რესპუბლიკას და თბილისს;
• შეიმუშავა პრობლემის საკანონმდებლო და პროცედურული გადაჭრის გზები;
• საჯარო სამსახურებს ხელი შეუწყო ინფორმაციის თავისუფლების დებულებების განხორციელებაში;
• მოამზადა ექპსპერტებისა და საგანმანათლებლო მასალების მონაცემთა ბაზა;

გაეროს ასოციაციამ, პროგრამის ფარგლებში ექსპერტებისა და სახელმწიფო მოხელეების მონაწილეობით განაზოგადა პრაქტიკა, ორგანიზება გაუკეთა რეგულარულ სემინარებსა და სამუშაო შეხვედრებს და საჯარო მოხელეებს საშუალება მისცა გაეზიარებინათ გამოცდილება და მოეძიებინათ პრობლემის გადაჭრის საერთო გზები.

პროგრამა ასევე ითვალისწინებდა ინფორმაციის თავისუფლების დებულებების განხორციელების შესახებ სავალდებულო ანგარიშების ე.წ. “10 დეკემბრის ანგარიშის” შექმნას საჯარო დაწესებულებების მიერ.

შედეგები

• ინფორმაციის თავისუფლებაზე პასუხისმგებელი საჯარო მოსამსახურეები დაინიშა უმეტეს საჯარო დაწესებულებაში;
• პასუხისმგებელმა პირებმა კარგად შეისწავლეს მათი უფლებები და მოვალეობები;
• გაიზარდა საჯარო ინფორმაციის საზოგადოებისათვის ხელმისაწვდომობა;
• დადგინდა საჯარო ინფორმაციის გამოქვეყნების პროცედურები და ვადები.